१५ लाख घुससहित बनेपा- ९ का वडाध्यक्ष बादे पक्राउ

काठमाडौं– काभ्रेको बनेपा नगरपालिका– ९ का वडा अध्यक्ष ४२ वर्षिय नृपेश बादे १५ लाख घुस सहित पक्राउ परेका छन् ।

Advertisement

घर बाटो सिफारिस गर्ने प्रयोजनको लागि १५ लाख घुस लिएको अवस्थामा वडाध्यक्ष बादेलाई बुधबार राति भक्तपुर मध्यपुर ठिमी नगरपालिका–३ गठ्ठाघरबाट अख्तियार दुरुपयोग अनुसन्धान आयोगले नियन्त्रणमा लिएकोे जनाएको छ ।

घर बाटो सिफारिसका लागि उनले घुस लिएको आयोगले जनाएको छ । वडाध्यक्षसँगै रहेका बा. ७ च १२९ नम्बरको कारका चालक बाह्रबिसे नगरपालिका– ७ मिलनटार स्थायी ठेगाना भई हाल चाँगुनारायण नगरपालिका– २ दुवाकोट बस्ने ३१ वर्षीय पदमबहादुर प्रधानलाई गाडीसहित अख्तियारले नियन्त्रणमा लिएको हो ।