कपिलवस्तुमा बस दुर्घटना हुँदा १० जनाको मृत्यु, ३० यात्रु घाइते

Advertisement

काठमाडौं– कपिलवस्तुको शिवराज नगरपालिका–१ सुरही पुल नजिकै बस दुर्घटना हुँदा १० जनाको ज्यान गएको छ भने ३० जना घाइते भएका छन् ।

विहिबार विहान महेन्द्रनगरबाट काठमाडौं जाँदै गरेको सुनौलो महाकाली यातायातद्वारा सञ्चालित सु–प–प्र–०२–००१ ख ००९८ नम्बरको बस सडकबाट दुई सय मिटर तल खसेको थियो ।

दुर्घटनामा परि १० जनाको घटनास्थलमै मृत्यु भएको जिल्ला प्रहरी कार्यालय कपिलवस्तुले जनाएको छ । दुर्घटनामा ३० जना घाइते भएका ती मध्ये नौ जनालाई बुटवल ‘रिफर’ गरिएको छ । अन्यको सञ्जीवनी र आधारभूत अस्पतालमा उपचार भइरहेको छ । मृतकको सनाखत हुनै वाँकी रहेको प्रहरीले जानकारी दिएको छ ।