शौचालय गएकी बालिकाको धारिलो हतियार प्रहार गरि हत्या

काठमाडौं– मोरङको पथरीशनिश्चरे—७ स्थित लामाटोलीमा एक बालिकाको हत्या भएको छ । सोमबार राति करिव १० बजे १५ बर्षिय बालिकालाई धारिलो हतियार प्रहार गरी हत्या भएको प्रहरीले बताएको छ ।

Advertisement

आफन्तको घरमा बस्दै आएकी सन्जना भन्ने ज्ञानमति थुलुङ राईको हत्या भएको इलाका प्रहरी कार्यालय पथरीले जानकारी दिएको छ । राति करिव १० बजे शौचालय गएकी उनको ऐया भनेको आवाज आएपछि हेर्न पुग्दा घाँटीमा धारिलो हतियार प्रहार भएर लडेको अवस्थामा फेला परेको बिनोद राईले बताए ।

मृतक राईको शव घर र शौचालयको वीचमा रहेको प्रहरीले जनाएको छ । घट्ना कस्ले र किन घटाएको खोजि सुरु भएको प्रहरीले जनाएकको छ ।