२०८१ आश्विन ४, शुक्रबार
काठमाडौं– राष्ट्रिय प्रजातन्त्र पार्टी कार्यालयमै पूर्वएआईजी तथा राप्रपाका नेता ठाकुर मोहन श्रेष्ठ कुटिएका छन् । राप्रपाका नेता विक्रम पाण्डेका कार्यकर्ताले श्रेष्ठलाई कुटपिट गरेका हुन् ।
आइतबार बिहान कार्यसम्पादन समितिको बैठक चलिरहेको बेला राप्रपाका नेता विक्रम पाण्डेलाई श्रेष्ठले भ्रष्टाचारी भनेपछि विवाद उत्पन्न भएको थियो । पार्टी कार्यालय, धुम्बाराहीस्थित केन्द्रीय कार्यलयमा अध्यक्ष राजेन्द्र लिंदेनको कार्यकक्षबाट निस्कने क्रममा श्रेष्ठमाथि पाण्डेका समर्थकहरूले कुटपिट गरेका हुन् ।
पाण्डेले बाहिर निस्किएर आफ्ना समर्थकहरूलाई बैठकमा भएको घटनाबारे बताएका थिए । केही समयपछि श्रेष्ठ बाहिर निस्किए । श्रेष्ठ बाहिर निस्किएको समय पारेर पाण्डेका कार्यकर्ताले श्रेष्ठलाई लखेटीलखेटी कुटपिट गरेका हुन् ।
कार्यसम्पादन समितिको बैठकमा श्रेष्ठले राखेको धारणाका कारण आक्रमण भएको नेताहरूले जनाएका छन् । उनले पाण्डेलाई लक्षित गरी धारणा राखेका थिए ।
कुटपिट भइरहेका बेला राप्रपाका नेता बुद्धिमान तामाङ, सांसद दिपकबहादुर सिंह लगायतले छुट्याएका थिए ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४३३५३३३३
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
