सुन जस्तो देखिने धातुसहित सिन्धुपाल्चोकबाट एक जना पक्राउ

काठमाडौं– सिन्धुपाल्चोकबाट एक किलो सुन जस्तो देखिने धातुसहित एक जना पक्राउ परेका छन् ।

Advertisement

बाह्रबिसे नगरपालिका–३ खुर्सानीबारीबाट प्रहरीले सोमबार एक जनालाई पक्राउ गरेको जिल्ला प्रहरी कार्यालय सिन्धुपाल्चोकले जानकारी दिएको छ ।

चेकपोष्टमा तातोपानीबाट बाह्रबिसे आउँदै गरेको भे ११ प ५५८८ नम्बरको मोटरसाइकल चालकमाथि प्रहरीले जाँच गरेको थियो ।

चालक भोटेकोशी गाउँपालिका–५ बस्ने २३ वर्षीय थर्चेन तेम्बा तामाङबाट सुन जस्तो देखिने धातु बरामद भएपछि प्रहरीले पक्राउ गरेको हो ।

मोटरसाइकल, चार हजार रुपैयाँ, मोबाइल, चेकबुक, राहदानी, नागरिकता पनि प्रहरीले बरामद गरेको छ ।