सेयर बजारमा दोहोरो अंकको गिरावट

काठमाडौं– आज सेयर बजार दोहोरो अङ्कले घटेको छ । सेयर बजार परिसूचक नेप्से आज १० दशमलव ६२ अङ्कले घटेर दुई हजार ७० दशमलव २५ विन्दुमा झरेको छ ।

Advertisement

आज विकास बैंक, फाइनान्स र उत्पादनबाहेक अरू सबै समूहको सेयर घटेको छ । आज सबैभन्दा धेरै विन नेपाल लघुवित्तको सेयर झण्डै आठ प्रतिशतले ओरालो लागेको छ । समग्रमा बजार घटेको दिन आज सप्तकोशी विकास बैंकको सेयर १० प्रतिशत र गुराँस लघुवित्तको सेयर साढे नौ प्रतिशतले बढेको छ ।

आज ८४ लाख छ हजार कित्ता सेयर तीन अर्ब ३८ करोड ७९ लाख रुपैयाँमा कारोबार भएका छन् । सबैभन्दा धेरै शिवम् सिमेन्टको ४१ करोड ६४ लाख रुपैयाँको सेयर किनबेच भएको छ ।