प्रदेश युवा परिषदद्धारा युवालाई सिपमूलक तालिम दिन आवेदन खुल्ला

काठमाडौं– बागमती प्रदेश सरकार, सामाजिक विकास मन्त्रालय, प्रदेश युवा परिषद्, जिल्ला युवा समिति धादिङले बागमती प्रदेशका युवाहरुलाई तालिम दिने भएको छ । वेरोजगार युवा जनशक्तिहरुलाई श्रम बजार अनुकुलको ज्ञान र सीप प्रदान गरी रोजगारी र स्वरोजगारीका अवसरहरु सिर्जना गर्न युवा लक्षित कार्यक्रमको आयोजना गरेको हो ।

Advertisement

विभिन्न सीपमुलक तालिमका लागि आवेदन फाराम खुल्ला गरेको छ । जिल्ला युवा समिति धादिङको कार्यालय वा इमेल, इन्टरनेट मार्फत अनलाइनबाट आवेदन दिनको लागि https://forms.gle/ytvfwuiJ1Whw5NLeA मार्फत दिन सकिने जिल्ला युवा समिति धादिङका प्रदेश युवा स्वयंसेवक सपना दाहालले जानकारी दिए ।

विशेष गरि निर्माण क्षेत्र, सेवा क्षेत्र, कृषि क्षेत्र, होटल तथा पर्यटन क्षेत्र र नर्सरी तथा गार्डेन व्यवस्थापन सम्बन्धी तालिम प्रदान गरिनेछ । त्यसका लागि चैत २२ गतेसम्म इच्छुक १६ देखि ४० वर्ष सम्मका युवाहरुले आवेदन दिन सक्ने छन् । यस तालिम बागमती प्रदेशका १३ वटै जिल्लाहरूमा निशुल्क सञ्चालन हुने उनले जानकारी दिए ।