काठमाडौं आउँदै गरेको बस बागलुङमा दुर्घटना हुँदा ७ जनाको ज्यान गयो, २५ जना घाइते

काठमाडौं– बागलुङमा आज साँझ एउटा यात्रु बस दुर्घटना हुँदा कम्तीमा ७ जनाको मृत्यु भएको छ । दुर्घटनामा बसमा सवार अन्य २५ यात्रु पनि घाइते भएका छन् ।

Advertisement

पश्चिम रुकुमबाट काठमाडौं आउदै गरेको बागमती प्रदेश ०१–००६ ख ३८७९ नम्बरको बस सोमबार बागलुङको निसीखोला गाउँपालिका–६ जाउलेपानीमा दुर्घटना भएको जिल्ला प्रहरी कार्यालय बागलुङले जनाएको छ ।

बस सडकबाट करिब १ सय ५० मिटर तल खसेको प्रहरीले जनाएको छ । घाइतेको उद्धार जारी रहेको इलाका प्रहरी कार्यालय बुर्तिवाङका प्रहरीले जनाए ।

प्रहरीका अनुसार दुर्घटनामा मृत्यु हुनेको संख्या अझै बढ्ने तथा घाइतेहरू पनि बढी हुन सक्ने प्रहरीको भनाइ छ । उद्धार कार्य जारी रहेकाले मृतक र घाइतेहरूको विवरण आउन नसकेको प्रहरीले उल्लेख गरेको छ ।