नीलकण्ठ माविको शिक्षक अभिभावक संघको अध्यक्षमा नवराज तिमल्सिना चयन

धादिङ– धादिङको सदरमुकाम धादिङबेसीमा रहेको नीलकण्ठ माध्यमिक विद्यालयको शिक्षक अभिभावक संघको अध्यक्षमा नवराज तिमल्सिना चयन भएका छन् ।

Advertisement

सोमबार विद्यालयमा सम्पन्न भएको भेलाले तिमल्सिनाको अध्यक्षतामा ११ सदस्सीय शिक्षक अभिभावक संघको गठन गरिएको हो । समितिमा अभिभावक मध्येबाट अध्यक्ष तिमल्सिना सहित ८ जना सदस्य र विद्यालयको तर्फबाट ३ जना पदेन सदस्य सहित ११ सदस्यीय समिति गठन भएका छन् ।

समितिको सदस्यहरुमा मिरा विसुङ्खे, कमला श्रेष्ठ, सुभद्रा अधिकारी, पवित्रा दनै, टाकाबहादुर श्रेष्ठ, भगवती श्रेष्ठ, प्रदिपराज रेग्मी चयन भएका छन् भने पदेन सदस्यमा विद्यालय व्यवस्थापन समिति अध्यक्ष र सदस्य सचिवमा विद्यालयका प्रधानध्यापक ध्रुव प्रसाद अधिकारी रहेका छन् । हाल उक्त विद्यालयमा २८ सय भन्दा बढि विद्यार्थी अध्ययनरत छन् ।