इजरायली आक्रमणका कारण गाजा क्षेत्रमा दैनिक कम्तीमा ३७ जना आमाले ज्यान गुमाउँदै

एजेन्सी– गाजा पट्टीमा जारी इजरायली आक्रमणका कारण दैनिक औसत कम्तीमा ३७ आमाको ज्यान गइरहेको प्यालेस्टिनी रेड क्रिसेन्ट सोसाइटीले जनाएको छ ।

Advertisement

विश्व समुदायले हिजो मातृ दिवस मनाइरहँदा प्यालेस्टिनी रेड क्रिसेन्ट सोसाइटीले यो तथ्याङ्क सार्वजनिक गरेको चिनियाँ समाचार संस्था सिन्ह्वाले जनाएको छ ।

द कमिसन अफ डिटेनिज एन्ड एक्स–डिटेनिज अफेयर्स र प्यालेस्टिनियन प्रिजनर्स क्लब एसोसिएशनले संयुक्त विज्ञप्ति निकालेर गाजामा जारी इजरायली आक्रमणले प्यालेस्टिनी आमा र बालबालिकाको ठूलो सङ्ख्यामा ज्यान गएको जनाएका खबरमा उल्लेख छ ।

गएको अक्टोबरमा प्यालेस्टिनी विद्रोही समूह हमासविरुद्ध चौतर्फी सङ्घर्ष सुरु भएदेखि इजरायली सेनाले गाजा क्षेत्रमा ठूलो सङ्ख्यामा महिलालाई पक्राउ गरेका थिए । सन् २०२३ को अक्टोबरपछि आमासहित प्यालेस्टिनी महिला कैदीविरुद्ध इजरायली अपराध र उल्लङ्घनका घटना नाटकीयरूपमा बढेको विज्ञप्तिमा उल्लेख छ ।