सेयर बजारमा १७ अंकको गिरावट

काठमाडौं– सेयर बजार आज पनि घटेको छ । आज सेयर बजार परिसूचक नेप्से १७ दशमलव शून्य १ अंकले घटेर दुई हजार ३१ दशमलव ५५ विन्दुमा झरेको छ ।

Advertisement

आज होटल तथा पर्यटन, उत्पादन, व्यापार र म्यूचुअल फण्डबाहेकका समूहको सेयर घट्दा लघुवित्त समूहको सेयर उच्च अंकले ओरालो लागेको छ । आज किसान लघुवित्त र बुद्धभूमि हाइड्रोपावर कम्पनीको सेयर १० प्रतिशतले घटेर नकारात्मक सर्किट लाग्यो ।

समग्रमा बजार घटे पनि आज बोटलर्स नेपाल बालाजु र सर्बोतम सिमेन्टको सेयर १० प्रतिशतले बढेर सकारात्मक सर्किट लागेको छ ।

आज ७० लाख ६१ हजार कित्ता सेयर दुई अर्ब ४८ करोड ९१ लाख रुपैयाँमा कारोबार भएका छन् । सबैभन्दा धेरै गुर्खाज फाइनान्सको २८ करोड ९० लाख रुपैयाँको सेयर किनबेच भएको छ ।