एसईइ परिक्षा शुरुः पाँच लाख विद्यार्थी, दुई हजार ६४ परिक्षा केन्द्र

काठमाडौं- एसईई (सेकेन्डरी एजुकेसन एक्जामिनेसन) परिक्षा आजदेखि सुरु भएको छ । देशभर दुई हजार ६४ परिक्षा केन्द्रमा सामुदायिक तथा संस्थागत गरी १० हजार आठ सय ६ विद्यालयका पाँच लाख चार हजार चार सय १४ परीक्षार्थी रहेका छन् ।

Advertisement

विहिबारदेखि शुरु भएको परिक्षा चैत २७ गते सम्म चल्ने राष्ट्रिय परीक्षा बोर्डले जनाएको छ । यसवर्षको परीक्षामा भने बोर्डले ‘लेटर ग्रेडिङ निर्देशिका २०७८’ लागू गरेको छ । विगतमा सैद्धान्तिक र प्रयोगात्मक दुवै जोडेर ३५ प्रतिशत ल्याउनुपर्ने प्रावधान रहेकामा यस वर्ष विद्यार्थीले सैद्धान्तिकमा ३५ र प्रयोगात्मकमा ४० अङ्क ल्याउनै पर्ने भएको छ ।
एक सय पूर्णाङ्क रहेको विषयमा ३५ र ७५ पूर्णाङ्क रहेको विषयमा २७ अङ्क ल्याउनु पर्ने परिक्षा नियन्त्रण कार्यालयले जनाएको छ । ३५ प्रतिशतभन्दा कम अङ्क ल्याएमा कक्षा ११ मा भर्ना हुन नपाउने र पुनः मौका परीक्षामा सहभागी हुनुपर्ने प्रावधान रहेको छ ।

३५ अङ्क ल्याउन नसक्ने विद्यार्थीले पहिलो वर्ष दुई विषयको मौका परीक्षा दिन पाउने व्यवस्था गरिएको छ । विद्यार्थीले तीन पटकसम्म दुई विषयमा ग्रेड वृद्धि परीक्षामा सहभागी हुन पाउने परिक्षा नियन्त्रण कार्यालयले जनाएको छ ।

धादिङबाट परिक्षामा सहभागी हुने विद्यार्थी चार हजार नौ सय ११ जना रहका छन् ।