त्रिशुली नदीमा ट्याक्सी खस्दा ५ जनाको मृत्यु

काठमाडौं– त्रिशुली नदीमा यात्रुवाहक ट्याक्सी खसेको छ । काठमाडौंबाट गोरखा जाँदै गरेको बा २ ज ४१९६ नम्बरको ट्याक्सी चितवनको इच्छाकामना गाउँपालिका–५ सिमलधारास्थित पृथ्वी राजमार्ग सडकबाट त्रिशुली नदीमा खसेको हो ।

Advertisement

जिल्ला प्रहरी कार्यालय चितवनका प्रवक्ता डिएसपी श्रीराम भण्डारीका अनुसार दुर्घटनामा चालकसहित पाँच जनाको मृत्यु भएको छ ।

मृत्यु हुनेमा एक बालिका, २ पुरूष र २ महिला छन् । मृतकहरू गोरखा नगरपालिका ७ का रहको बताइएको छ ।

दुर्घटनामा परेकाहरूको पहिचान खुलाउने प्रयास भइरहेको डिएसपी भण्डारीले बताए ।