कपडा पसलमा आगलागी हुँदा ७ जनाको मृत्यु

एजेन्सी– भारतको महाराष्ट्र राज्यमा पर्ने सम्भाजीनगरमा रहेको एउटा कपडा पसलमा आगलागी हुँदा सात जनाको ज्यान गएको छ ।

Advertisement

छत्रपति सम्भाजीनगरमा रहेको एक कपडा पसलमा आज बिहान आगलागी भएको प्रहरीलाई उद्धृत गर्दै बीबीसी हिन्दीले जनाएको छ । आगलागीको कारण भने खुलेको छैन ।

प्रारम्भिक विवरणअनुसार आगो भवनको दोस्रो तलामा पुग्नुअघि नै निभाएको भए पनि दोस्रो तलामा रहेका सात जनाको धुवाँले निसासिएका कारण ज्यान गएको हो ।