काभ्रेमा ३ करोडमा बेचिएको बुद्धचित्तको रूख अज्ञात समूहले काट्यो

काठमाडौं– काभ्रेको रोशी गाउँपालिका–५ मा बिहीबार राती अज्ञात समूहले काटेको बुद्धचित्तको रुख बार्षिक ३ करोड रुपैयाँमा ठेक्का सम्झौता भएको खुलेको छ ।

Advertisement

रुख धनी शेरबहादुर तामाङले करिब ३ महिनाअघि समिर त्रिपाठीलाई उक्त रुख ३ करोड रुपैयाँमा ठेक्कामा लगाएका थिए ।

तामाङका अनुसार गत वर्ष उक्त रुख ९० लाख रुपैयाँ ठेक्कामा दिइएको भए पनि यस वर्ष भने वार्षिक ३ करोड रुपैयाँ पाउने गरि ठेक्का लगाएका थिए ।

तर उक्त रुखलाइ मध्यरातमा अज्ञात समूहले काटिदिएर घरको मूल ढोकामा विस्फोटक पदार्थ राखेर आरोपीहरू फरार भएका छन् ।
अहिले प्रहरीले यस बिषयमा अनुसन्धान सुरु गरिरहेको छ ।