सिन्धुपाल्चोक जन्ती बस दुर्घटना: मृत्यु भएका तीनै जनाको सनाखत

काठमाडौं– सिन्धुपाल्चोकको त्रिपुरासुन्दरी गाउँपालिका पिस्करमा भएको जन्ती बस दुर्घटनामा ज्यान गुमाउने तीनै जनाको सनाखत भएको छ ।

Advertisement

दोलखाको भीमेश्वर नगरपालिका–१ सुस्पाबाट गएराति जन्ती लिएर सिन्धुपाल्चोकको त्रिपुरासुन्दरी–५ पिस्करमा रहेको बेहुलीको घरतर्फ आउँदै गरेको बा ४ ख ५६१६ नम्बरको रोल्वालिङ यातायातको बस आज (शुक्रबार) बिहान तौथलीको धारावतीमा दुर्घटनामा परेको थियो । दुर्घटनामा परी तीन जनाको घटनास्थलमै मृत्यु भएको थियो ।

मृत्यु हुनेमा दोलखा भीमेश्वर नगरपालिका– १ का मानबहादुर थामी, शिव श्रेष्ठ र दिपेन्द्र थामी रहेको प्रहरीले जनाएको छ ।

दुर्घटनामा घाइते भएका दुलहासहित ५२ जनाको धुलिखेल अस्पताल र खाडीचौरको सदाबहार अस्पतालमा उपचार भइरहेको छ ।