पाल्पामा जन्ती बोकेको जीप दुर्घटना हुँदा १० जना घाइते, एकको अवस्था गम्भिर

काठमाडौं– पाल्पामा जन्ती बोकेको जीप दुर्घटना हुँदा १० जना घाइते भएका छन ।

Advertisement

घाइतेमध्ये एक जनाको अवस्था गम्भिर रहेको छ । शुक्रबार राती लु १ ज २५३५ नम्बरको जिप जन्ती लिएर निस्दी खाँदरबाट सहलकोटतर्फ जाने क्रममा सो दुर्घटना भएको हो ।

भित्री कच्ची सडकमा दुर्घटना हुँदा जिपमा सवार १७ जनामध्ये १० जना घाइते हुन पुगेका थिए । घाइतेहरूको उपचारका लागि रामपुर अस्पतालमा पठाइएको छ ।

जीपका चालक फरार रहेकाले खोजी कार्य जारी राखिएको प्रहरीले जनाएको छ ।