मादक पदार्थ सेवन गरी आफ्नै घरमा आगो लगाउने एक जना पक्राउ

काठमाडौं– मादक पदार्थ सेवन गरी आफ्नै घरमा आगो लगाउने एक जना पक्राउ परेका छन् । पक्राउ पर्नेमा गुल्मीको धुर्कोट गाउँपालिका– ६ रजस्थल बस्ने ५९ वर्षीय रेख बहादुर परियार रहेको प्रहरीले जनाएको छ ।

Advertisement

प्रहरीका अनुसार उनले मदिरा सेवन गरी आफ्नो घरमा आगो लगाउँदा घर जलेर पुर्णरुपमा क्षति भएको छ । परियारले आफ्नो घरमा आगो लगाएपछि स्थानीयका घरहरूमा पनि आगो लगाउने धम्की दिने गरेको जिल्ला प्रहरी कार्यालय गुल्मीले जनाएको छ ।

परियारलाई पक्राउ गरी अनुसन्धान भइरहेको जिल्ला प्रहरी कार्यालय गुल्मीका प्रहरी नायव उपरीक्षक शंकर पोखरेलले बताए ।