सेयर बजारमा दोहोरो अंकको गिरावट

काठमाडौं आज सेयर बजार दोहोरो अङ्कले घटेको छ । सेयर बजार परिसूचक नेप्से आज १५ दशमलव ४१ अङ्कले घटेर एक हजार नौ सय ६९ दशमलव शून्य दुई विन्दुमा झरेको छ ।

Advertisement

आज म्युचुअल फन्ड समूहको सेयर सामान्य बढे पनि अरू सबै समूहको सेयर घटेको छ । सबैभन्दा धेरै दोल्ती पावर कम्पनी र एनआईसी एसिया लघुवित्तको सेयर झन्डै साढे सात प्रतिशतले घटेको छ । समग्रमा बजार घटेको दिन पिपुल्स पावर कम्पनीको सेयर झन्डै सात प्रतिशतले बढेको छ ।

आज ५६ लाख ५६ हजार कित्ता सेयर दुई अर्ब पाँच करोड आठ लाख रुपैयाँमा कारोबार भएका छन् । सबैभन्दा धेरै गुर्खाज फाइनान्सको ११ करोड ५४ लाख रुपैयाँको सेयर किनबेच भएको छ ।