एकैदिन १ हजार ४ सय रूपैयाँले बढ्यो सुनको भाउ

काठमाडौं– आज सुनको मूल्य बढेको छ । बिहीबार प्रतितोला २ सय रूपैयाँ घटेको सुनको मूल्य आज प्रतितोला १ हजार ४ सय रूपैयाँ बढेको छ ।

Advertisement

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ३७ हजार २ सय रूपैयाँ र तेजाबी सुन प्रतितोला एक लाख ३६ हजार पाँच सय ५० रूपैयाँमा कारोबार भइरहेको छ ।

बिहीबार छापावाल सुन प्रतितोला १ लाख ३५ हजार आठ सय रूपैयाँ र तेजाबी सुन प्रतितोला १ लाख ३५ हजार एक सय ५० रूपैयाँमा कारोबार भएको थियो ।

त्यसैगरी, आज चाँदीको मूल्य पनि बढेको छ । बिहीबार प्रतितोला १६ सय ५५ रूपैयाँमा कारोबार भएको चाँदी आज प्रतितोला २० रुपैयाँले बढ्दै १६ सय ७५ रूपैयाँमा किनबेच भइरहेको छ ।