नेपालले वेस्टइन्डिज ए सँग आज तेस्रो खेल खेल्दै

काठमाडौं– नेपाल र वेस्ट इन्डिज ए बीचको तेस्रो खेल आज हुँदै छ । ५ खेलको टी–२० सिरिजको तेस्रो खेल आज टियु क्रिकेट मैदानमा नेपाली समय अनुसार अपराहन्न १२ः १५ बजेदेखि सुरु हुने छ ।

Advertisement

यस सिरिजमा नेपाल र वेस्ट इन्डिज ए ले एक एक खेल जितेका छन् र सिरिज १–१ को बराबरीमा रहेको छ । सिरिजको पहिलो खेलमा नेपालले ४ विकेटको जित हासिल गरेको थियो भने दोस्रो खेलमा वेस्ट इन्डिज ए ले १० रनको जित हासिल गरेको थियो ।

यस सिरिजका लागि नेपालले २० सदस्यीय टिम छानेको छ । टी–२० विश्वकपको टिम छनौट गर्न यस सिरिजलाई नेपालले अभ्यास खेलको रुपमा लिएको छ ।

नेपालले सिरिजको चौथो खेल मे २ मा र पाचौं खेल मे ४ मा खेल्नेछ ।