नेप्सेमा सामान्य गिरावट

काठमाडौं – सेयर बजार फेरि दुई हजार विन्दुभन्दा तल झरेको छ । अस्ति दोहोरो अङ्ले बढेर दुई हजार विन्दुमाथि पुगेको सेयर बजार परिसूचक नेप्से आज सात दशमलव ३१ अङ्कले घटेर एक हजार नौ सय ९८ दशमलव ९६ विन्दुमा झरेको हो ।

Advertisement

आज माइक्रोफाइनान्स र व्यापार बाहेक सबै समूहको सेयर घटेकोमा बीमा, विकास बैंक समूहको सेयर उच्च अङ्कले ओरालो लागेको छ । आज पिपुल्स पावर कम्पनीको सेयर आठ प्रतिशतभन्दा धेरैले घटेको छ ।

समग्रमा बजार घटेको दिन समता घरेलु लघुवित्त, इन्फिनिटी लघुवित्त र साधना लघुवित्त कम्पनीको सेयर भने १० प्रतिशतले बढेको छ ।

आज तीन सय आठ वटा कम्पनीका ९४ लाख ९८ हजार कित्ता सेयर चार अर्ब १३ करोड रुपैयाँमा कारोबार भएको छ । आज सबैभन्दा धेरै आईएमई लाइफ इन्सुरेन्स कम्पनीको २८ करोड रुपैयाँभन्दा धेरैको सेयर किनबेच भएको छ ।