स्रोत नखुलेको १३ लाख रकमसहित एक युवक पक्राउ

काठमाडौं– पर्साको वीरगन्ज महानगरपालिका–१४ गण्डक चोकबाट स्रोत नखुलेको १३ लाख १५ हजार रुपैयाँसहित एक युवक पक्राउ परेका छन् । पक्राउ पर्नेमा सोही महानगरपालिका–२२ जगरनाथपुर बस्ने २८ वर्षीय रवि कुमार पटेल रहेका छन् ।

Advertisement

वडा प्रहरी कार्यालय श्रीपुर र प्रहरी चौकी गण्डकबाट खटिएको प्रहरीले वीरगन्जबाट परवानीपुरतर्फ जाँदै गरेको प्रदेश २–०३–०१० प ६७१९ नम्बरको मोटरसाइकललाई जाँच गर्ने क्रममा मोटरसाइकलमा सवार उनलाई झोलाभित्र लुकाई ल्याएको उक्त रकमसहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।