सभामुखसहित शीर्ष नेताहरुको छलफल विना निष्कर्ष टुंगियो

काठमाडौं– सभामुख देवराज घिमिरेसहित प्रमुख दलका शीर्ष नेताहरूको छलफल विना निष्कर्ष सकिएको छ ।

Advertisement

सिंहदरबारस्थित सभामुखको कार्यकक्षमा मंगलबार झण्डै तीन घण्टा भएको छलफलमा नेपाली कांग्रेसले सहकारी प्रकरणमा मुछिएका उपप्रधान तथा गृहमन्त्री रवि लामिछानेमाथि छानबिनको माग दोहो¥याएको थियो भने सत्ता पक्षले सहकारीको समग्र समस्या समाधान गर्ने गरी समिति गठन गर्न सकिने धारणा राखेको थियो ।

बैठकपछि रास्वपाका प्रमुख सचेतक सन्तोष परियारले छलफलमा आफूहरूले समिति गठनमा सहमति नजनाएको बताए । यद्यपि उनले छलफल सकारात्मक रहेको भन्दै पुन छलफल गरेर अघि बढ्ने बताए ।

त्यस्तै बैठकमा रास्वपाले सहकारीको विषयमा गृहमन्त्री रवि लामिछानेविरुद्ध कुनै अभियोग नभएकाले गृहमन्त्रीलाई संसद्मा बोल्न दिनुपर्ने बताएको थियो ।