सडकपेटीको रूखको हाँगा काटेर खसीलाई खुवाएपछि महानगरले तिरायो पाँच हजार जरिवाना

काठमाडौं– सडकपेटीमा रहेको रूखको हाँगा काटेर खसीलाई खुवाएपछि ललितपुर महानगरपालिकाले पाँच हजार जरिवाना गरेको छ ।

Advertisement

आज बिहान ललितपुर महानगर–२५ भैसेपाटी बस्ने लालबहादुर लामाले आफूले बिक्री गर्न राखेको खसीलाई खुवाउन सडकपेटीमा रहेको रूखको हाँगा काटेको पाइएको हो ।

हाँगा काटेर खसीलाई खुवाएको देखेपछि पाँच हजार रूपैयाँ जरिवाना तिराएको नगर प्रहरी प्रमुख सिताराम हाछेथुले जानकारी दिए ।