सेयर बजारमा दोहोरो अङ्कको वृद्धि, ३ अर्ब ४० करोड रुपैयाँको कारोबार

काठमाडौं– सेयर बजार आज दोहोरो अङ्कले बढेको छ । सेयर बजार परिसूचक नेप्से आज २४ दशमलव ३९ अङ्कले बढेर एक हजार नौ सय ९८ दशमलव ८९ विन्दुमा पुगेको छ ।

Advertisement

आज फाइनान्स, होटल, उत्पादन, निर्जीवन र व्यापार बाहेक सबै समूहको सेयर बढेकोमा जीवन बीमा, बैंकिङ, माइक्रोफाइनान्स समूहको सेयर उच्च अङ्कले उकालो लागेको छ ।

आज नारायणी विकास बैंक, समाज लघुवित्त र मान्डु हाइड्रोपावर कम्पनीको सेयर १० प्रतिशतले बढेर सकारात्मक सर्किट लागेको छ । दोहोरो अङ्कले बजार बढेको दिन सीवाईसी नेपाल लघुवित्त कम्पनीको सेयर भने साढे पाँच प्रतिशतभन्दा धेरैले घटेको छ ।

आज तीन सय २० वटा कम्पनीका ९५ लाख ४१ हजार कित्ता सेयर तीन अर्ब ४० करोड रुपैयाँमा कारोबार भएको छ । सबैभन्दा धेरै नेपाल रिइन्सुरेन्स कम्पनी लिमिटेड (प्रोमोटर) को ३० करोड रुपैयाँ बराबरको सेयर खरिद÷बिक्री भएको छ ।