सहकारी पीडीतको ५ लाखसम्म वचत तत्काल फिर्ता गराउँछौं– अर्थमन्त्री पुन

काठमाडौं– अर्थमन्त्री वर्षमान पुनले समस्यामा परेका सहकारीका बचतकर्तालाई तत्काल ५ लाख रुपैयाँसम्मको बचत फिर्ता गराउने प्रतिवद्धता जनाएका छन् । समस्यामा रहेका सहकारीहरूको छानबिन गर्ने र दोषीलाई कारबाहीको दायरामा ल्याइने उनले बताए ।

Advertisement

सहकारीका सञ्चालक, एकाघर परिवारका सदस्यको सम्पत्ति धितो राखेर भए पनि तत्काललाई ५ लाखसम्मको रकम फिर्ता गराउने प्रस्ताव बजेटमा गरिएका बुधबार पोस्ट बजेट अन्तरक्रियामा उनले यस्तो बताएका हुन् ।

‘सहकारी सानो सानो पूँजी र शक्तिलाई एकीकृत गरेर ठूलो पूँजी, शक्ति बनाउने माध्यम हो । सहकारीले धेरै राम्रो पनि गरेको छ’ उनले भने– ‘केही सहकारी आफ्नो सिद्धान्तविपरीत चलेकाले यो क्षेत्र बदनाम भएको भएको हो ।’