सेयर बजारमा सामान्य गिरावट

काठमाडौं– सेयर बजार आज सामान्य घटेको छ । सेयर बजार आज तीन दशमलव ९७ अङ्कले घटेर दुई हजार ७९ दशमलव शून्य सात विन्दुमा झरेको छ ।

Advertisement

आज माइक्रोफाइनान्स बाहेक सबै समूहको सेयर घटेकोमा बीमा, उत्पादन, होटल समूहको सेयर उच्च अङ्कले ओरालो लागेको छ ।

आज एनआईबीएल स्टेबल फन्डको सेयर १० प्रतिशतले घटेको छ । समग्रमा बजार घटेको दिन बुद्धभूमि नेपाल हाइड्रोपावर कम्पनीको सेयर भने साढे नौ प्रतिशतले बढेको छ ।

आज तीन सय १६ वटा कम्पनीका ८८ लाख २० हजार कित्ता सेयर चार अर्ब ४० लाख रुपैयाँमा कारोबार भएको छ ।