२०८१ मंसिर ७, शुक्रबार
काठमाडौं– आइसिसी टी–२० विश्वकपमा नेपालको समूहमा रहेको श्रीलंकाले लगातार दोस्रो हार ब्यहोरेको छ ।
शनिबार बिहान डालासस्थित ग्रान्ड प्रिएरी स्टेडियममा श्रीलंका बंगलादेशसँग २ रनले पराजित भएको हो। श्रीलंका पहिलो खेलमा दक्षिण अफ्रिकासँग पराजित भएको थियो ।
बंगलादेशको भने यो पहिलो खेल हो । शनिबार श्रीलंकाले दिएको १२५ रनको लक्ष्य बंगलादेशले ८ विकेट गुमाएर १९ ओभरमा पूरा गरेको हो ।
बंगलादेशका ओपनरद्वय तान्जिड हसन ३ रनमा र सौम्य सरकार शून्यमा आउट भएपछि दबावमा परेको बंगलादेशलाई लिटन दासले केही उकासेका थिए । उनले ३८ बलमा २ चौका र १ छक्का प्रहार गरी ३६ रन बनाए ।
त्यसपछि कप्तान नजमुल हुसेन शान्तो ७ रन बनाएर आउट भए । टोहिड हृदोयले २० बलमा १ चौका र ४ छक्का प्रहार गरी ४० रनको योगदान गरे। शकिब अल हसनले ८ रन र महमुदउल्लाहले नट आउट १६ रन जोडे ।
बलिङतर्फ श्रीलंकाका नुवन थुसाराले ४ विकेट, वानिडु हसरंगाले २ तथा धनन्जय डी शिल्भा र मथिशा पाथिरनाले एक÷एक विकेट लिए ।
त्यसअघि टस हारेर पहिले ब्याटिङ गरेको श्रीलंकाले ९ विकेट गुमाएर १२४ रन बनाएको थियो ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
