मनाङमा लेक लागेर धादिङका हरि अधिकारीको मृत्यु

काठमाडौं- मनाङको मनाङ ङिस्याङ गाउँपालिका– ८ स्थित थोराङ्ला भञ्ज्याङमा एक जनाको ज्यान गएको छ । थोराङ्ला भञ्ज्याङ पार गर्ने क्रममा लेक लागेर (अक्सिजन अभाव) धादिङको गंगाजमुना गाउँपालिका– ५ फुलखर्कका हरि अधिकारीको मृत्यु भएको हो ।

Advertisement

मनाङका प्रमुख जिल्ला अधिकारी सुवासकुमार लामिछानेका अनुसार पदमार्ग अन्तर्गतको पाँच हजार चार सय १६ मिटर उचाइमा अवस्थित थोराङ्ला भञ्ज्याङ पार गर्ने क्रममा अधिकारीको मृत्यु भएको हो ।

पदयात्राका क्रममा थोराङ्ला भञ्ज्याङमा अधिकारीलाई लेक लागेको थियो । उनको घटनास्थलमै मृत्यु भएको हो । अधिकारीको शव हेलिकाेप्टरमार्फत काठमाडौं ल्याइएको छ।