झापामा आमा र दुई बच्चा मृत फेला

काठमाडौं– झापामा दुई जना बच्चा र आमा मृत फेला परेका छन् ।

Advertisement

आज बिहान शिवसताक्षी नगरपालिका–३ स्थित एक घरमा दुई जना बच्चा र आमा मृत फेला परेको जिल्ला प्रहरी कार्यालय झापाका एसपी मिलन केसीले जानकारी दिए ।

आमा अन्जली बेस्रा, उनका ७ वर्षीय जेठा छोरा विशाल र कान्छा छोरा २ वर्षीय आयुष मृत फेला परेका हुन् । आमा झुन्डिएको अवस्थामा फेला परेकी हुन् । विशाल र आयुष बेडमा मृत भेटिएका हुन् ।

प्रहरीका अनुसार घटनास्थलमा बमिट समेत गरिएको देखिएको छ । त्यस्तै विषादी समेत गन्ध आइरहेको प्रहरीले जनाएको छ ।

अहिले घटनास्थलमा प्रहरी र चिकित्सकको टोली पुगेका छन् । यसबारे प्रहरीले थप अनुसन्धान अघि बढाएको छ ।