उत्कृष्ट खेल्दाखेल्दै अन्तिममा पराजित हुन पुग्यौं: कप्तान रोहित पौडेल

काठमाडौं – नेपाली राष्ट्रिय क्रिकेट टोलीका कप्तान रोहित पौडेलले दक्षिण अफ्रिकासँग नेपालले उत्कृष्ट खेल्दाखेल्दै हारेको बताएका छन् । दक्षिण अफ्रिकासँग एक रनले हारेपछि भएको पत्रकार सम्मेलनमा रोहितले नेपाली टोलीले बलिङ र ब्याटिङमा राम्रो प्रदर्शन गरेकोमा आफूलाई गर्व लागेको पनि बताएका छन् ।

Advertisement

‘हामी जितको धेरै नजिक थियौं, केही टाढा पनि थियौं । तर कोसिस गर्दागर्दै अन्तिममा पराजित हुन पुग्यौं,’ रोहितले भने । आउँदा खेलमा नेपालले थप राम्रो प्रदर्शन गर्ने रोहितको भनाइ छ ।

मैदानको पीचले स्पिनरलाई सफलता दिलाउने देखेर कुशल भुर्तेललाई चार ओभर बलिङ गराएको र यो रणनीति सफल भएको रोहितको भनाइ छ ।