भारतबाट अवैध ढङ्गले ल्याइएको ७ सय १२ बोरा युरिया मल बरामद

काठमाडौं– पर्सा प्रहरीले भारतबाट अवैध ढङ्गले भित्र्याएको दश लाख रुपैयाँ मूल्य पर्ने सात सय १२ बोरा युरिया मल बरामद गरेको छ । गैरकानुनी रूपमा भारतीय मल भन्सार छली चोरीपैठारी गरी वीरगञ्जमा ल्याई अनाधिकृत भण्डारण गरेर राखेको ५० किलोग्रामका सात सय १२ बोरा मल बरामद गरेको हो ।

Advertisement

जिल्ला प्रहरी कार्यालय पर्साका प्रहरी नायब उपरीक्षक दीपक भारतीले भारतबाट भन्सार छली गरेर अवैध ढङ्गले मल भित्र्याएर भण्डारण गरिराखेको सूचनाका आधारमा छापा मर्दा मल बरामद भएको बताए । प्रहरीले पूर्वी नवलपरासीको कावासोती नगरपालिका–९ बस्ने ६२ वर्षीय ज्ञानबहादुर महतोलाई पक्राउ गरेर आवश्यक कानुनी प्रक्रिया अघि बढाएको छ ।