तारकेश्वर नगरपालिकाले यौनिक तथा लैंगिक अल्पसंख्यकलाई मासिक ५ हजार प्रोत्साहन भत्ता दिने

काठमाडौं– काठमाडौंको तारकेश्वर नगरपालिकाले नगरभित्र स्थायीरुपमा बसोबास गर्ने यौनिक तथा लैंगिक अल्पसंख्यकलाई मासिक रु पाँच हजार प्रोत्साहन भत्ता दिने भएको छ ।

Advertisement

तारकेश्वरले यौनिक तथा लैंगिक अल्पसंख्यकलाई भनेर कानुनसम्मत पहिचान भएका स्थायी नगरवासीलाई प्रोत्साहनस्वरुप आर्थिक वर्ष २०८१÷८२ देखि मासिक रु पाँच हजार प्रदान गर्न लागेको हो ।

नगरपालिकाका प्रमुख कृष्णहरि महर्जनले संविधानले गरेको परिकल्पनाअनुसार यौनिक तथा लैंगिक अल्पसंख्यकलाई समुदायलाई प्रोत्साहन गर्न भत्ताको व्यवस्था गरिएको जानकारी दिए । नेपालको संविधानको धारा ३८ र धारा ४२ मा राज्यका निकायमा समान सहभागिता र यौनिक तथा अल्पसङ्ख्यक समुदायलाई विभेद गर्न नहुने उल्लेख गरिएको छ ।

संविधानले परिकल्पना गरेअनुरुप नगरपालिकाले उक्त व्यवस्थालाई कार्यान्वयनमा ल्याएको नगरप्रमुख महर्जनले बताए ।