दाङको राजपुर गाउँपालिकामा एसईई परीक्षा दिएका एक जना मात्रै विद्यार्थी उत्तीर्ण

काठमाडौं– दाङको राजपुर गाउँपालिकाबाट माध्यमिक शिक्षा परीक्षा (एसईई) मा एक जना मात्रै विद्यार्थी उत्तीर्ण भएका छन् । पालिकाभित्र रहेका आठ वटा माध्यमिक विद्यालयका दुई सय ५० जना विद्यार्थीले एसईई परीक्षा दिएकोमा एक जना मात्रै उत्तीर्ण भएका छन् ।

Advertisement

राजपुर गाउँपालिकाका उपाध्यक्ष धनपतिदेवी यादवका अनुसार एसईईमा साधारण नमूना माध्यमिक विद्यालय गङ्गदीबाट गेहेन्द्र यादव मात्रै उत्तीर्ण भएका छन् । सात वटा विद्यालयबाट कुनै पनि विद्यार्थी उतीर्ण भएका छैनन् ।

बाँकी सबै विद्यालयबाट शून्य नतिजा आएको छ ।