रास्वपाको महामन्त्री मुखमा कालो टेप टाँसेर बैठकमा सहभागी

काठमाडौं– राष्ट्रिय स्वतन्त्र पार्टीका महामन्त्री डा. मुकुल ढकालले केन्द्रीय समितिको बैठकको प्रत्यक्ष प्रशारण नगरिएको भन्दै मुखमा कालो टेप टाँसेर विरोध जनाएका छन् ।

Advertisement

आज बिहान पार्टी केन्द्रीय कार्यालय बालाजुमा बसेको बैठकको प्रत्यक्ष प्रशारण गर्न माग गरेका महामन्त्री ढकालको प्रस्तावलाई पार्टी सभापति रवि लामिछानेले अस्वीकृत गरेपछि विरोध जनाएका हुन् । उनले मुखमा कालो टेप टाँसेर साङ्केतिक विरोध जनाएका छन् ।

बैठकमा पछिल्ला राजनीतिक, समसामयिक घटनाक्रमबारे छलफल जारी छ । साथै बैठकमा महामन्त्री ढकालले सभापति लामिछानेलाई बुझाएको प्रतिवेदनमाथि छलफल हुनेछ ।