च्याउ खोज्न गएका तीन जना महिला बाघको आक्रमणबाट घाइते

काठमाडौं– दाङमा च्याउ खोज्न गएका तीन जना महिला बाघको आक्रमणबाट घाइते भएका छन् ।

Advertisement

तुलसीपुर उपमहानगरपालिकामा रहेको नवदुर्गा सामुदायिक वनमा च्याउ खोज्न गएका तुलसीपुर–९ बेलुवाकी ४५ वर्षीया कमला केसी, ५२ वर्षीया सीताकुमारी भण्डारी र १८ वर्षीया सरिता भण्डारी रहेका इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।

बाघको आक्रमणबाट घाइते भएका तीनै जनाको अहिले राप्ती प्रादेशिक अस्पताल तुलसीपुरमा उपचार भइरहेको छ । आक्रमण गर्ने बाघ जङ्गलतर्फ भागेको प्रहरीले जनाएको छ ।