रौतहटमा जन्ती बोकेको स्कार्पियो नहरमा खस्दा २ जनाको मृत्यु

काठमाडौं– रौतहटको गढिमाई नगरपालिका– ६ सिंगारमन धर्मपुरमा जन्ति बोकेको भारतीय नम्बरको स्कार्पियो नहरमा खस्दा दुई जनाको मृत्यु भएको छ ।

Advertisement

मृत्यु हुनेमा काठमाडौं घर भएका ५५ बर्षीय कुल बहादुर श्रेष्ठ र सर्लाही चक्रघट्टा गाउँपालिका– ३ सुन्दरपुर बस्ने रबिन्द्र पंडितको छोरी बर्ष ७ की स्वेता पंडित रहेको जिल्ला प्रहरी प्रमुख एसपी दिलीप घिमिरेले बताएका छन ।

घटनास्थल पुगेका ईलाका प्रहरी कार्यालय गरुडाका प्रमुख डिएसपी रामेश्वर त्वातीका अनुसार गढीमाई ६ सिङगारमनस्थित भित्रि सडक खण्ड धर्मपुर नहरमा धनहारी गाँउबाट सर्लाहीतर्फ जन्ती बोकी जाँदै गरेको एचआर ७ डी ८३८२ नम्बरको स्कार्पियो गाडी आज बिहान ९ बजे अनियन्त्रित भई नहरमा पल्टिएको थियो ।

उक्त गाडीमा जम्मा १२ जना सवार थिए । तीमध्ये ५ जना सकुशल रहेको र ३ जनाको भने नाम, ठेगाना खुलेको छैन । उनीहरुको स्थानीय अस्पतालमा उपचार भइरहेको छ । गाडी चालक भने फरार छन् ।