सुनको मूल्यमा पुनः नयाँ रेकर्ड

काठमाडौं– आज सुनको मूल्यले पुनः नयाँ रेकर्ड बनाएको छ । लगातार नयाँ रेकर्ड बनाइरहेको सुनको मूल्य आज हालसम्मकै उच्च विन्दुमा पुगेको हो ।

Advertisement

शुक्रबार सुन हालसम्मकै उच्च मूल्य प्रतितोला एक लाख ४६ हजार सात सय रूपैयाँमा कारोबार भएको थियो । आइतबार भने सुनको मूल्य स्थिर रहेको थियो ।

आज सुन प्रतितोला एक लाख ४६ हजार नौ सय रूपैयाँ पुगेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४६ हजार नौ सय रूपैयाँ र तेजाबी सुन प्रतितोला एक लाख ४६ हजार दुई सय रूपैयाँमा कारोबार भइरहेको छ ।

आज चाँदीको मूल्य पनि बढेको छ । आज चाँदीको मूल्य प्रतितोला १० रुपैयाँले बढेर एक हजार आठ सय ८५ रूपैयाँ पुगेको नेपाल सुनचाँदी व्यवसायी महासंघले जानकारी दिएको छ ।