६ वर्षीय बालकको हत्या आरोपमा एक जना पक्राउ

काठमाडौं– सुनसरीको वराहक्षेत्र नगरपालिका–३ विस्थापित टोलमा ६ वर्षीय एक बालकको हत्या भएको छ ।

Advertisement

मङ्गलबार दिउँसो आफन्त पर्नेले पिर्काले टाउकोमा हिर्काएर गम्भीर चोट लागेको बालकको उपचारको क्रममा मृत्यु भएको प्रहरीले जनाएको छ ।

मङ्गलवार दिउँसो बालकलाई टाउकोमा हिर्काएर फरार रहेका एक जना पुरुषलाई इलाका प्रहरी कार्यालय महेन्द्रनगरले घटना स्थल नजिकै रहेको बाङ्गेबजारबाट पक्राउ गरेको छ ।

नाता पर्ने ४५ वर्षीय वीरबहादुर विश्वकर्मालाई नियन्त्रणमा लिएर अनुसन्धान भइरहेको जिल्ला प्रहरी कार्यालय सुनसरीका प्रहरी नायब उपरीक्षक नवीनकृष्ण भण्डारीले बताए ।