ललितपुरका ७ ठाउँ डुबानमा, २४ जनाको उद्धार

काठमाडौं– अविरल वर्षाका कारण ललितपुरको ७ ठाउँ डुबानमा परेको छ । डुबानमा परेका २४ जनालाई प्रहरीले उद्धार गरेको छ ।

Advertisement

युएन पार्कबाट दुई जना, सुन्दरी घाटबाट ८ जना, बालकुमारी पुलबाट १ जना र महालक्ष्मी नगरपालिका–७ स्थित चागाँथलीबाट ७ जनाको उद्धार गरिएको जिल्ला प्रहरी परिसर ललितपुरका एसपी नरेश सुवेदीले रातोपाटीलाई बताए । सानेपा राम मन्दिरबाट ६ जना मानिस र ८ वटा बाख्रा उद्धार गरिएको छ ।

ललितपुरबाट ३ बालक, ८ महिला र १३ जना पुरुष समेत गरेर २४ जनाको उद्धार गरिएको एसपी सुवेदीले जानकारी दिए ।