पेरिस ओलम्पिक: प्रिन्स दाहालले आज समूह चरणको अन्तिम खेल खेल्दै

काठमाडौं– नेपाली ब्याडमिन्टन खेलाडी प्रिन्स दाहालले फ्रान्समा भइरहेको पेरिस ओलम्पिकमा आज समूह चरणको अन्तिम खेल खेल्दैछन् ।

Advertisement

समूह ‘पी’ मा रहेका प्रिन्सले इजरायलका मिसा जिलबरमनसँग आज खेल्ने भएका हुन् । यसअघि समूहको दुवै खेलमा पराजित भएका प्रिन्सका लागि आजको खेलको प्रतिष्ठाको खेलसमेत हुनेछ ।

प्रिन्स विश्व वरीयताको १ सय ७२ औं स्थानमा छन् भने मिसा ५८ औं स्थानमा छन् । यसअघि प्रिन्स भिक्टर एक्सेलसन र नहाट एन्ग्वेनसँग २–० ले पराजित भएका थिए । नेपालले पहिलो पटक ओलम्पिकमा ब्याडमिन्टनमा सहभागिता जनाएको हो ।