रोल्पामा पहिरोले घर पुरिँदा हजुरआमाको मृत्यु, नातिनी बेपत्ता

काठमाडौं– रोल्पामा पहिरोले घर पुरिँदा एक जनाको ज्यान गएको छ । एक जना बेपत्ता भएका छन् ।

Advertisement

सुनछहरी गाउँपालिका–४ कामी डाँडामा गएराति साढे नौ बजेतिर गएको पहिराले घरसँगै ६० वर्षकी बसुना सुनार र उनकी चार वर्षकी नातिनीलाई पुरेको थियो ।

खोजी गर्ने क्रममा बसुनाको शव भेटिएको र उनकी नातिनीको खोजी भइरहेको जिल्ला प्रहरी प्रमुख डीएसपी भरत लामाले जानकारी दिए । पहिरो जाँदा बसुनाका छोरा र बुहारी घर बाहिर रहेकाले जोगिएका छन् ।