नेप्से १०८ अङ्कले बढ्यो, झण्डै १८ अर्बको कारोबार

काठमाडौं– सेयर बजार आज एक सय आठ अङ्कले बढेको छ । सेयर बजार परिसूचक नेप्से एक सय आठ दशमलव ३५ अङ्कले बढेर दुई हजार सात सय ५९ दशमलव ६७ विन्दुमा पुगेको छ ।

Advertisement

आज सबै समूहको सेयर बढेकोमा बीमा, होटल, विकास बैंक, फाइनान्स, उत्पादन, व्यापार, जलविद्युत्, माइक्रोफाइनान्स, अन्य समूहको सेयर उच्च अङ्कले उकालो लागेको छ ।

आज दुई सय ३९ वटा कम्पनीको सेयर बढेकोमा तीन वटा कम्पनीका सेयर भने घटेको छ । आज १० वटा कम्पनीका सेयरमा सकारात्मक सर्किट लागेको छ । यस्तै आठ वटा कम्पनीका सेयर नौ प्रतिशतभन्दा धेरैले बढेको छ । बजार उच्च अङ्कले बढेको दिन एनआईसी एशिया डिबेन्चर २०८३÷८४ को सेयर भने झन्डै चार प्रतिशतले घटेको छ ।

आज कारोबार रकम भने घटेको छ । आज तीन सय ३० वटा कम्पनीका तीन करोड ८० लाख कित्ता सेयर १७ अर्ब ९५ करोड रुपैयाँमा किनबेच भएको छ ।