श्रीमानको कुटपिटबाट श्रीमतीको मृत्यु

काठमाडौं– महोत्तरीको महोत्तरी गाउँपालिका–१ सोनुखडा गाउँमा श्रीमतीको कुटपिट गरी हत्या गरेका छन् । जिल्ला प्रहरी कार्यालयका प्रहरी उपरीक्षक नकुल पोखरेलका अनुसार स्थानीय ४५ वर्षीय हबिब नदाफले ३६ वर्षीया श्रीमती रोशना खातुनलाई कुटपिट गरी हत्या गरेका हुन् ।

Advertisement

श्रीमतीसँगको घरायसी झगडामा हबिबले शनिबार रोशनालाई निर्घात कुटपिट गरेका थिए । समयमै उपचार नहुँदा उनको मृत्यु भएको प्रहरीको प्रारम्भिक अनुमान छ ।

घटनापछि फरार भएका उनको श्रीमानको खोजी भइरहेको प्रहरीले जनाएको छ ।