२०८१ आश्विन ४, शुक्रबार
काठमाडौं- धादिङको नीलकण्ठ नगरपालिका– ३ का वडा अध्यक्ष राजकुमार श्रेष्ठको पहलमा गठित वडा अध्यक्ष अक्षयकोषले गरिब तथा जेहेन्दार बालबालिकालाई शैक्षिक सामाग्री वितरण गरेको छ । नगरपालिका भित्रका विद्यालयहरुमा अध्ययनरत अति विपन्न तथा गरिव ४७ जना बालबालिकाहरुलाई शैक्षिक सामाग्री वितरण गरिएको हो ।
निर्वाचनमा होमिएको समयमा गरेका प्रतिवद्धता अनुसार वडा अध्यक्ष अक्षयकोष निर्माण गरी किताब, कापी, झोला, जुत्ता, विद्यालय पोशाक लगायतका शैक्षिक सामाग्री वितरण गरिएको नीलकण्ठ नगरपालिकाका– ३ वडा अध्यक्ष एवम् अक्षयकोषका अध्यक्ष राजकुमार श्रेष्ठले बताए । ‘कापी, कलम, झोला, विद्यालय पोशाक लगायतका शैक्षिक सामाग्री अभावका कारण पढ्नका लागि समस्या भोग्दै आएका बालबालिकालाई आवश्यक सामाग्री वितरण गरिएको हो । मेलै पाउने तलव भत्ताले संकलन भएको अक्षयकोषबाट शिक्षा, स्वास्थ्य, खेलकुद लगायत अन्य सामाजिक क्षेत्रमा सहयोग गर्दै आएको छु । म अध्यक्ष पदमा हुन्जेल मात्र होइन, निरन्तर रुपमा यस्ता सामाजिक कार्य गरिरहनेछु ।’
दुई लाख ९५ हजार ४६३ रुपियाँ बराबरको शैक्षिक सामाग्री वितरण गरिएको अध्यक्ष श्रेष्ठले बताए । अक्षयकोषको मुद्धती खातामा छ लाख ९० हजार र बचत खातामा एक लाख ७४ हजार रुपियाँ रहेको उनले बताए ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४३३५३३३३
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
