बझाङमा पहिरोमा परेर एकै परिवारका ४ जनाको मृत्यु

काठमाडौं– बझाङमा पहिरोमा परेर एकै परिवारका चार जनाको मृत्यु भएको छ । ६ जनाले भागेर ज्यान बचाएका छन् ।

Advertisement

गएराति बुङ्गल नगरपालिका– १० टुमेडाका बीरबहादुर धामीको घर पहिरोले पुरिँदा उनकी श्रीमती ५५ वर्षीया काली धामी, बुहारी २५ वर्षीया गोल्की धामी तथा नातिनीहरु ६ वर्षकी आकृती र तीन वर्षकी लक्ष्मीको ज्यान गएको सुदूरपश्चिम प्रहरी कार्यालयका प्रहरी बरिष्ठ उपरीक्षक डिल्ली विष्टले जानकारी दिए ।

उनका अनुसार गएराति १ बजेतिर झरेको पहिरोले घर पुरेको हो । पहिरो घरमा खस्दा परिवारका नौ जना र एक जना पाहुना समेत १० जना रहेकामा ६ जनाले भागेर ज्यान बचाएका छन ।