जाजरकोटमा अस्थायी टहरा ढिस्कोले पुरिँदा एकै परिवारको तीन जनाको मृत्यु

काठमाडौं– जाजरकोटको नलगाड नगरपालिका– २ माझगाउँमा पहिरोमा परेर एकै परिवारका तीन जनाको ज्यान गएको छ ।

Advertisement

गएराति पहिरोले घर पुरिँदा ४२ वर्षीय लालबहादुर परियार, उनकी श्रीमती ३४ वर्षीया मनिषा परियार र छोरा २ वर्षीय शिभम परियारको ज्यान गएको जिल्ला प्रहरी कार्यालय जाजरकोटका प्रमुख एवम् प्रहरी नायव उपरीक्षक (डिएसपी) पुरुषोत्तम पाण्डेले जानकारी दिए ।

उनका अनुसार भूकम्पबाट घर भत्किएपछि बनाएको अस्थायी टहरामा सानो ढिस्को भत्किएर पुरिएको हो ।