भारतमा पहिरोमा परेर चार जना नेपालीको मृत्यु

काठमाडौं– भारतको उत्तरखण्ड राज्यको केदारनाथ नजिकै चार नेपाली मजदुरको मृत्यु भएको छ ।

Advertisement

बिहीबार राति परेको अविरल वर्षाका कारण केदारनाथ नजिक रहेको वर्षाको पानी जम्मा गर्ने ताल (खाट गडेरे) नजिकै पहिरोमा पुरिएर चार जना मजदुरको मृत्यु भएको हो । मृतक चारै जना नेपाली नागरिक भएको बताइएको छ ।

मृतकहरूलाई तुल बहादुर, पूर्ण नेपाली, किशन परियार र चीकु बोहराको रुपमा पहिचान गरिएको जिल्ला विपद् व्यवस्थापन अधिकृत नन्दनसिंह राजवारले बताए । उनीहरुको नेपालको ठेगाना भने खुलाइएको छैन ।