खोटाङमा सिँचाइ पोखरीमा डुबेर एकै घरका दाजुबहिनीको मृत्यु

काठमाडौं– खोटाङमा पोखरीमा डुबेर एकै घरका दुई बालबालिकाको ज्यान गएको छ ।

Advertisement

हलेसी तुवाचुङ नगरपालिका–३ च्यास्मिटारका गयन्द्र राई र ममता राईका ६ वर्षका छोरा सङ्गम राई र साढे २ वर्षकी छोरी समृद्धि राईको सिँचाइ पोखरीमा डुबेर ज्यान गएको जिल्ला प्रहरी कार्यालय खोटाङले जनाएको छ ।

बालक दाजु बहिनी सोमबार दिउँसो २ बजे घरबाट हराएका थिए । आमा ममताले खोज्दै जाँदा बेलुका ६ बजेतिर पोखरीमा डुबिरहेको अवस्थामा उनीहरुलाई भेटेकी थिइन् ।

उनीहरुको घरमा ल्याउने बित्तिकै ज्यान गएको डिएसपी पुरुषोत्तम खड्काले बताए ।